ఒక చక్కని తెలుగు పాట…

ఈ రోజు రామాచారి గారి లిటిల్ మ్యుజిషియన్స్ ఎకాడమి లో మా అమ్మాయిని చేర్పిద్దామని వెళితే..ఆయన స్వరపరచిన ఒక చక్కటి పాట నేర్పించారు..
ఆ పాట మన బ్లాగ్లోకానికి వినిపిద్దామని…

//పల్లవి //

                 నాన్నా అను పదమే.. నాదసుధారసమై
                             నడిపించును జీవితం
                            నవరస భరితం… నవరస భరితం

 

మొదటి చరణం

                 చిటివ్రేలు పట్టి లోకచిత్రాలే చూపించు
                           తప్పటడుగులే దిద్ది సత్పధాల నడిపించు
                 జిలిబిలి ఆటలలోనే జీవితాశయాలు నింపి
                           ఇంతింతై ఎదుగువేళ..ఎంతెంతో మురిసిపోవు.. నాన్నా ..

రెండవ చరణం

                తనయుడె తన జీవమని..  తనకే సర్వస్వమని
                          కనులముందు తన రూపే..  కదలాడుట భాగ్యమని

                తలమునకలు వేయునంత
                        తనకొకింత దూరమైన
                తల్లడిల్లి తపియించే
                        తండ్రికి వేరెవరు సాటి  .. నాన్నా ..

మూడవచరణం   

                హితమై జీవితమై                                                   
                     మహిత మార్గదర్శకమై
                ఉపదేశామృతమై
                     ఉజ్వల భవితవ్యమై

                సఖుడై గురుడై జనకుడె
                     స్వాచార్యదేవుడై
                సతము సుతుని నీడయై
                     చల్లని దీవెనలనిచ్చు..  నాన్నా..